$type=grid$count=4$tbg=rainbow$meta=0$snip=0$rm=0

Beste monumentu bat topatu dute Andatzako estazio megalitikoan

SHARE:

Oso ezaguna da Andatzako estazio megalitikoa , 2003an Eusko Jaurlaritzak Monumentu Multzo izendapenarekin Kultura Ondasun izendatu zuena. ...

Oso ezaguna da Andatzako estazio megalitikoa, 2003an Eusko Jaurlaritzak Monumentu Multzo izendapenarekin Kultura Ondasun izendatu zuena. Aranzadi Zientzia Elkarteak beste monumentu megalitiko bat topatu du bertan, eta aste honetan bertan eman du aurkikuntzaren berri jendaurrean, Usurbilgo Udalak antolatutako solasaldian.

Aurkikuntza Andatza mendigunean egindako hamargarren prospekzio kanpainaren emaitza da eta, ikerketaren arduradunek baieztatu dutenez, Txangosta inguruan dago monumentu megalitiko berria. Itxura guztien arabera, trikuharri bat da. Gizakiak egindako egitura bat dela baieztatu dute, baina uste baino konplexuagoa denez, ikerketa sakonagoa egiteko asmoa dutela aurreratu dute.

Usurbilgo saioko hizlariak Izaro Quevedo eta Manu Zeberio azterketa arkeologiko honen arduradunak izan ziren. Potxoeneara hurbildu ziren herritarren aurrean Andatzako Estazio Megalitikoaren garrantzia ekarri zuten gogora. Estazio megalitiko honetan, hain zuzen hamar monumentu daude, denak trikuharriak: Andatza I eta II, Arkutxa, Beldarrain, Belkoain, Karramiolotz, Loatzu I eta II, Olaiko eta Zarateko Bentako trikuharriak.

Gizakiak jarritakoak

Hortaz, beste monumentu bat erantsi beharko litzaioke estazioari aurreikuspenak betetzen badira, hamaikagarrena, eta Txangostakoa, egiazki, trikuharria bada. 2003tik ari da Aranzadi Andatza mendigunearen okupazioari buruzko azterketa arkeologikoa egiten. Izaro Quevedo eta Manu Zeberiok azaldu zutenez, 2004an Txangosta izeneko lekuan egitura berezi bat identifikatu zuten. Hainbat lagunek bazuten leku horren berri; haatik, bertan kokatzen diren aztarnak ikertu gabe zeuden, eta inork ez zekien zer ziren. Horregatik, 2018an zundaketa arkeologiko bat egitea erabaki zuten, ea naturala ote den edo gizakiak egindako egitura bat den ziurtatzeko. Hain zuzen ere, urte horretako prospekzio kanpaina ingurune hori aztertzen eta interpretatzen eman zuten.

Honako ezaugarri hauek ditu aztarna horrek: harri pilaketa bat eta haren gainean bi harri handi zutik, eta hegoalderantz beste harri bat dago dago, etzanda. Egituraren ezaugarriak ezagutzeko asmoz, eta inguruko landaredia guztia kendu ondoren, egituraren erdialdea ikertu zuten, ea zutik dauden harriak naturalak diren edo ez jakiteko asmoz.

Hala, landaredia kendu bezain pronto harri txiki batzuk azaldu ziren, eta bi harri handiak eusteko jarrita daudela ikusi ahal izan zuten, alegia, gizakiak jarritakoak direla. Eremu horretan gainera, suharrizko xafla bat eta harri-kristal bat ere aurkitu dituzte, eta tamaina ezberdinetako harriz eta lurrez osatutako tumulu bat dagoela ziurtatu dute.

Ikerketa ahalik eta ondoen jarraitu ahal izateko, lana bertan behera utzi dute momentuz, eremu osoa ondo garbitu arte, izan ere, tumuluaren gainean zuhaitzak daude. 2019an jarraituko dute indusketokin.


by via RSS de noticias de portada

COMMENTS

Nombre

noticias,1,
ltr
item
Área nueva: Beste monumentu bat topatu dute Andatzako estazio megalitikoan
Beste monumentu bat topatu dute Andatzako estazio megalitikoan
https://static2.diariovasco.com/www/multimedia/201901/24/media/cortadas/andatza-kThB-U703819835023KC-624x385@Diario%20Vasco.jpg
Área nueva
https://are1anueva.blogspot.com/2019/01/beste-monumentu-bat-topatu-dute.html
https://are1anueva.blogspot.com/
http://are1anueva.blogspot.com/
http://are1anueva.blogspot.com/2019/01/beste-monumentu-bat-topatu-dute.html
true
5629917481694580996
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy